KATA KATA PERPISAHAN
ASSALAMU’ALAIKUM
WAROHMATULLOOHI WABAROKAATUH
BISMILLAH,
ALHAMDULILLAH, WASSOLAATU, WASSALAAMU ‘ALA
ROSUULILLAH, WAA’LA ALIHI WASOHBIHI WAMA WALLAH, AMMA BA’DU...
BAPA KEPALA
SEKOLAH ANU KU SIM KURING DIPIHORMAT,
IBU, BAPAK GURU
SD PAJAJARAN ANU KU SIM KURING DIPIHORMAT, BAPA IBU SEPUH MURANGKALIH KELAS 6 MIWAH TAMU UNDANGAN ANU KU SIM KURING
DI MULYAKEUN.
TAYA SAUR ANU LANGKUNG PUNJUL , TAYA BASA ANU
LANGKUNG UTAMA URANG MUJI SYUKUR KA ALLOH ROBUL GOFUR.
ANU PARANTOS NAKDIRKEUN
KA URANG SADAYA TIASA RIUNG KEMPEL DI IEU TEMPAT KALAYAN SEHAT WAL’APIAT.
BAPAK IBU SIM
KURING ATAS NAMI WAWAKIL TI RERENCANGAN BADE
PAMIT SEJA UNDUR INDIT BADE MIANG SEWANG SEWANG KANGGE NERASKEUN LALAMPAHAN
MAYUNAN MANGSA ANU REK DATANG.
NAMUNG SATEUACAN ABDI MUNGKUR NEDA AGUNG CUKUP LUMUR NEDA JEMBAR NYA PANGAMPURA
KA BAPAK IBU GURU SADAYA, ANU PARANTOS NGATIK NGADIDIK SALAMI GENEP TAUN LANDUNG, ABDI SARENG
RERENCANGAN DIASUH , DIATIK, DIBINA, DIAPING DIJARING DUGI KA WANGKID AYEUNA.
TINANGTOS SALAMI
ABDI DI LATIH MACA, NYERAT SINARENG NGETANG SEUEUR TIDAK TANDUK ABDI SARENG
RERENCANGAN ANU MATAK TIDEUHA MANAH, TIKAIT ATI JANTEN PUSING KANA MASTAKA.
MUGIA IBU BAPAK GURU NGAMPARKEUN LAUTAN PANGAMPURA KA ABDI SADAYANA, OGE JIAD
PANG DU’A ANU DI TEDA MUGIA AYA DINA GINANJAR KAWILUJENGAN, AMIN YA ROBBAL
ALAMAIN.
ASSALAMU’ALAIKUM WAROHMATULLOOHI
WABAROKAATUH
BISMILLAH, ALHAMDULILLAH, WASSOLAATU
.............................................
HADIRIN HORMATEUN SIM KURING,
ASA NEMBE KAMARI SIMKURING SARENG BU
HAJI, PENDAK SARENG BARUDAK NYAMGEM DI KELAS VI, AYA RASA TEU PERCAYA, JEUNG
HARENEG ANGEN, NEMBRAG KANA DADA RIHING AYEUANA KEDAH NYANGEM DI IEU RIUNGAN
DINA RARAGA PATURAY TINEUNG, ASMANA GURU KELAS VI. TETELA WAKTU MUNG SAJORELAT
SATAUN TEH. TEU KARAOS CACAKAN NU KAPENDAK SANES MUNG UKUR KABINGAH TAPI OGE
KASUSAH.
BAPA OGE IBU SEPUH MURANG KALIH,
WIDIAN SIM KURING NYANGGEM BOH KA
BAPA IBU SALAKU SEPUHNA, OGE KA PUTRA SALAKU JINISNA, SALAMI PUTRA DIASUH KU
SIM KURING SAPARAKANCA DI IEU SAKOLA, TINANGTOS SEUEUR PISAN ANU KAGETRIK, KAPOLOTOTAN,
KASENTAK ATANPI MOAL BOA LANGKUNG TIKITU, RUMAOS PISAN UTAMINA MAH SIM KURING
PRIBADI DINA NYANGGEM SOK HEURAS GENGGERONG, TINANGTOS SEUEUR PISAN KALEPATAN
ANU TEU DIHAJA MALIH MAH TOS KAHIHILAPKEUN, KALEPATAN ANU KU SIM KURING DIANGGAP
TEU SAPIRA, PADAHAL MOAL BOA TUMIBA KA MURANGKALIH MAH KACIDA TEU RAOSNA. ATUH
KANTENAN UPAMI KATAMPI KU SEPUHNA.
BAPA IBU HORMATEUN SIM KURING,
BARUDAK ANAKING ANAK BAPA, KASEP
GEULIS NU DIPIKANYAAH KU BAPA, NYA AYEUNA WAKTUNA BAPA MENTA PANGAMPURA KA
HIDEP OGE KA IBU RAMA HIDEP, MEUNGPEUNG NGUMPUL NGARIUNG MEUNGPEUNG URANG CAN
PAANGGANG, BARUDAK HAMPURA BAPA, HAMPURA BAPA, HAMPURA GURU-GURU HIDEP SADAYA
OGE PANGERSA BAPA KEPALA, MUGIA HIDEP
TUR IBU RAMA HIDEP KERSA NGAHAPUNTEN KANA SAGALA RUPI KALEPATAN BAPA SADAYA.
BARUDAK ANAKING INSYAALLOH MUN TEA MAH AYA KASALAHAN HEDEP KU BAPA
SAPARAKANCA GEUS DIHAMPURA TI ANGGALNA, GURU-GURU HIDEP TEU GEUNEUK TEU
MALEUKMEUK, ESTU CAANG BULAN OPAT BELAS JALAN GEDE SASAPUN.
BARUDAK, ANAKING KASEP, GEULIS ANAK
BAPA DANGUKEUN KU HIDEP SADAYA, SAMEMEH HIDEP MIANG TI IEU SAKOLA, SAACAN LUNTA
TI IEU TEMPAT, BAPA REK MEKELAN KU DO’A. BRAL HIDEP GEURA LUMAMPAH NYIAR ELMU
NU LEUWIH LUHUR, JUNG UNDUR SING SUHUD
MAWA MAKSUD, JIG INDIT SING CARINGCING MAWA DIRI, SING KUAT MAWA TEKAD JEUNG IMAN,
MANGKA WALUYA MANGKA RAHAYU, DO’A GURU-GURU HIDEP TEU WELEH MARENGAN. MUGIA
ALLOH NGAPING NGAJARING KAHIDDEP SADAYA,.
WASSALAMU’ALAIKUM
..........................
